CONCURSOS Y PREMIOS 5 d'abril de 2005


El V Distintivu Fini Suárez recai en javier d'Arroes


X. Fernández / XIXON

El premiáu col V Distintivu Fini Suárez foi Javier Díaz (Javier d’Arroes), ún de les persones cimeres de la música asturiana, creador d’ún de los archivos sonores privaos más importantes de la cultura tradicional asturiana, que tien los sos fondos al serviciu de los persones que-y lu soliciten.

Fini Suárez ye, ensin dulda, una de les meyores etnógrafes y pandereteres d’Asturies de lo cabero’l sieglu XX. El so trabayu pue vese entá nos dos primeros discos del coleutivu Muyeres. Cantares como ‘Lo Suelto Ayerán’ o les ‘Vaqueraes de Riosa’ siguen trayendo la so alcordanza.

En 2001 una comisión iguada poles asociaciones nes qu’ella participó creó un distintivu pa premiar a aquelles persones que lluchen en favor de la cultura asturiana.