REPORTAXE
15 de agosto de 2009

POETES ASTURIANOS D’ENTESIEGLOS (XIX-XX) MARCOS DEL TORNIELLO

Ávilés en fiestes

XOSÉ LLUIS CAMPAL

A l’infatigable cantor d’Avilés Marcos del Torniello (1853-1938) correspuende una piecina d’emponderamientu como ‘Nota simpática’ (‘El Pueblo Astur’, 28-VIII-1913). Cola facilidá versificadora característica nél, apareya’l conteníu en tres ramales: allabanza de les fiestes avilesines del pasáu, quexa pola perda de llucimientu d’anguaño y reconocimientu de los xuegos florales.

De les feries y fiestes de Asturies,
que siempre tuvieron
la gran resonancia,
dio Avilés en lo antiguo la nota
de ser una villa
de suyo fidalga.
Al anuncio de aquel xiringüelu
que cien bailadores
echaben na Plaza,
n’Avilés se axuntaba la xente
com’un formigueru
mirando la danza.
Todo yera custión de entusiasmo
d’extraños y propios,
n’amor y compaña,
sin sortir per deyures desgusto
que non acabase
con una cachada.
La memoria de aquellos festexos,
recientes tovía,
la gran lluminaria,
les carroces aquelles, que al veles
la xente de juera
quedab’alloriada.
Sólo viven, morriendo de pena,
mirando que agora,
por falta de plata,
son piores les fiestes que facen
los propios vaqueiros
del par de la braña.
Non ostante, n’esti año denguno
debiera quexase
de nuestra disgracia,
pos con ‘xuegos florales’ y reina,
menistros y vates
que ganen la palma,
Avilés, más que villa, foi Corte,
la xana de Asturies
vestida de gala...

y el premiar en los ‘xuegos [florales’ vertuz y trabayu... la nota simpática.